ជីវិតគីប្រៀបបាននឹងការជិះកង់។ ដើម្បីរក្សាជំហរបានអ្នកចាំបាច់ត្រូវតែបន្តទៅមុខ។
សម្ដីមួយឃ្លានេះជាវាចាររបស់កំពូលអ្នកប្រាជ្ញអាតូមិក អាល់ប៊ឺត អាញស្តាញ។
តើអ្នកធ្លាប់មានអារម្មណ៍ថាអ្វីគ្រប់យ៉ាងនៅក្នុងជីវិតរបស់អ្នកបានបញ្ឈប់នោះទេ? រឿងទាំងនោះអាចនឹងមិនត្រូវបានស្របនឹងទិសដដៅដែលអ្នកគិតប្រាថ្នារំពឹង ហើយវាធ្វើ អ្នកមិនប្រាកដក្នុងចិត្តថានឹងគយរតែបន្តចេញទៅទិសខាងណា?
ជីវិតគឺជាល្បែងនៃការរក្សាលំនឹង។ ដូច្នេះហើយទើបយើងត្រូវការថ្លឹងថ្លែងរក្សាតុល្យភាពដើម្បីូកុំឲ្យល្អៀង នាំឲ្យរឿងមួយអាចសង្គ្រប់លើរឿងមួយទៀត។ បើនិយាយឲ្យត្រង់ទៅ ដើម្បីរក្សាជំហរលំនឹងបានវាពិតជារឿងដ៏លំបាកបំផុត។ តែអ្នកត្រូវចងចាំថា ងាយស្រួល ឬលំបាកគឺយើងជាអ្នកសម្រេចវា។
អ្នកទាំងអស់គ្នាឃើញទេដើម្បីរក្សាតុល្យភាពបាន ពេលខ្លះអ្វីដែលយើងត្រូវធ្វើគឺបន្តដំណើរកុំឈប់។
ដូច្នេះនៅពេលដែលវាមានអារម្មណ៍ថាជីវិតត្រូវបានបញ្ឈប់ឬថាអ្នកមិនស្ថិតនៅលើផ្លូវត្រឹមត្រូវសូមចាំថាត្រូវបន្តដំណើរទៅមុខជានិច្ច។ដរាបណា យើងមិនបោះបង់ មិនឈប់នោះគ្មានបញ្ហាណាដោះស្រាយមិនបាននោះទេ។
យ៉ាងណាមិញយើងមិនអាចទទួលបានអ្វីដែលយើងចង់បាននោះទេ ប្រសិនបើយើងមិនធ្វើដំណើរឆ្ពោះទៅសំដៅរកវា។ ដូច្នេះគ្រាន់តែរក្សាក្បាលឲ្យត្រង់ ភ្នែកសម្លឹងផ្លូវ ហើយចិត្តត្រូវរក្សាឲ្យជាប់នូវគោលដៅ នោះអ្នកនឹងមិនដួលឡើយ។
ងួន សុខហ៊ាង 